Thodi Si Dhoop, Thoda Sa Pyaar

Subah ki baarish thi… thandi, khamosh.

Dil ne khol ke saans li,
Jaise koi purani baat phir se mehka gayi.
Khaali cup, bheegi khidki,
Aur uski yaadon ka ek lamha
Bas itna hi kaafi tha din shuru karne ko.

Dopahar aayi… dhoop ke saath.

Thoda sa garmi, thoda sa intezaar.
Jaise uske ek message ka wait,
Jo kabhi aata nahi,
Par lagta hai, bas abhi aayega.
Dil pighalta gaya,
Jaise kacchi zameen pe pehli dhoop girti hai 

Ummeed se bhari, aur thodi se adhoori.

Shaam phir se bheeg gayi.

Aur main… usi khidki ke paas tha.
Wahi hawa, wahi rim jhim,
Par is baar… uski muskaan yaad aayi.

Ek pal ke liye laga,
Woh kahin yahin paas khadi hai,
Usi baarish mein, jahan hum kabhi saath bheege the.

Baarish sirf mausam nahi hoti,
Yeh toh ek yaad ka raasta hai,
Jo subah ki thandak se nikal kar,
Dopahar ki chubhan mein se hote hue,
Shaam tak… pyaar ki baarish banke girti hai.